Wara li fis-6 ta’ Frar Antoine ċ-Ċavett flimkien mal-kok tiegħu Karl Micallef u l-kantant Mike Spiteri ħallew Malta biex fl-Awstralja jtellgħu fenkata kbira b’risq Puttinu Cares, fl-aħħar ħin ngħaddu l-flus kollha miġbura minn din l-attività.
Antoine f’kollegament dirett tkellem magħna u qalilna li jinsab verament kburi li din l-ikla li bdiet minn ħsieb wasslet biex tinġabar is-somma sabiħa ta’ A$18,405.
Filwaqt li rringrazzja lil dawk kollha involuti huwa qal li s-somma miġbura żgur li se tkun qiegħda tgħin lil dawk fil-bżonn. Minħabba li din mhix l-ewwel darba li Antoine qiegħed jgħin b’mod dirett lil Puttinu Cares, hu deher xi ftit emozzjonat minħabba li ġab quddiem għajnejh uħud miċ-ċkejknin li jgħin matul is-sena kollha.
